சி.இ.எஸ். விழாவில் அறிமுகமான அதிநவீன சாம்சங் ஸ்மார்ட்போன் Technology News

Samsung Foldable Smartphones Showcased at CES 2018 Privately

சாம்சங் நிறுவனத்தின் மடிக்கக்கூடிய ஸ்மார்ட்போன் சி.இ.எஸ். 2018 விழாவில் தேர்வு செய்யப்பட்ட சிலருக்கு மட்டும் பிரத்யேகமாக காண்பிக்கப்பட்டது.

ஸ்மார்ட் டிவி, கம்ப்யூட்டர் மற்றும் வீட்டு உபயோக பொருட்கள் மட்டுமின்றி மடிக்கக்கூடிய முதல் ஸ்மார்ட்போனினையும் சி.இ.எஸ். 2018 விழாவில் சாம்சங் அறிமுகம் செய்திருக்கிறது.
எனினும் சாம்சங் மடிக்கக்கூடிய ஸ்மார்ட்போன் தேர்வு செய்யப்பட்ட சில வாடிக்கையாளர்களுக்கு மட்டும் பிரத்யேகமாக ஏற்பாடு செய்யப்பட்டிருந்த சந்திப்பில் அறிமுகம் செய்யப்பட்டது. முன்னதாக சாம்சங் நிறுவனம் ஃபோல்ட்-இன் மற்றும் ஃபோல்ட்-அவுட் வடிவமைப்பை கொண்ட ஸ்மார்ட்போனினை அறிமுகம் செய்திருந்தது.

எனினும் இம்முறை ஃபோல்ட்-இன் வடிவமைப்பு கொண்ட ஸ்மார்ட்போனினை சாம்சங் அறிமுகம் செய்துள்ளது. இந்த ஆண்டு நவம்பர் மாத வாக்கில் தயாரிப்பு பணிகள் துவங்க இருக்கும் நிலையில், சாம்சங் நிறுவனம் தனது இன்-ஃபோல்டிங் ஸ்மார்ட்போனினை வணிக ரீதியாக அறிமுகம் செய்யலாம் என எதிர்பார்க்கப்படுகிறது.

 

ஏற்கனவே அறிமுகம் செய்யப்பட்ட இன்ஃபோல்டிங் மற்றும் அவுட்ஃபோல்டிங் தொழில்நுட்பங்களில் அவுட்ஃபோல்டிங் அதி நவீன தொழில்நுட்பம் கொண்டதாகும். அந்த வகையில் முதற்கட்டமாக இன்ஃபோல்டிங் ரக மடிக்கக்கூடிய ஸ்மார்ட்போனினை சாம்சங் அறிமுகம் செய்ய இருக்கிறது.

சி.இ.எஸ். 2018 விழாவில் அறிமுகம் செய்யப்பட்டிருக்கும் சாம்சங் மடிக்கக்கூடிய ஸ்மார்ட்போனில் 7.3 இன்ச் மடிக்கக்கூடிய OLED ஸ்கிரீன் கொண்டிருக்கும். இதன் இன்ஃபோல்டு வடிவைப்பு 1R வரை வளையும் நிலையில், அவுட்ஃபோல்டு வடிவமைப்பு R5 வரை வளைகிறது. இதனால் ஸ்மார்ட்போனினை காகிதம் போன்று வளைக்க முடியும் என்பது உறுதியாகியுள்ளது.

முன்னதாக வெளியான தகவல்களில் மடிக்கக்கூடிய ஸ்மார்ட்போன்களில் கிளாஸ் பேனல்களுக்கு மாற்றாக பாலிமர் OLED வழங்கப்படும் என கூறப்பட்டது. எனினும் வளையும் தன்மை கொண்ட ஸ்மார்ட்போன்கள் ஒருமுறை கீழே விழுந்தாலே உடைந்து போகும். அந்த வகையில் புதிய ரக ஸ்மார்ட்போன்களின் உறுதி தன்மையை சரிபார்க்க சாம்சங் ஆய்வு குழுவினர் ஸ்மார்ட்போன்களை தினமும் 20 லட்சம் முறை கீழே போட்டு சோதனை செய்து வருகின்றனர். 

மடிக்கக்கூடிய ஸ்மார்ட்போன்களை உருவாக்கும் பணிகள் நிறைவுற்றிருக்கும் நிலையில், இதற்கான எதிர்பார்ப்புகள் அதிகரிக்கப்பட்டு வருகிறது. அந்த வகையில் புதிய சாம்சங் ஸ்மார்ட்போன் 2019-ம் ஆண்டு துவக்கத்தில் அறிமுகம் செய்யப்படலாம் என எதிர்பார்க்கப்படுகிறது.

Tags : attamil,tamilnews,technologynews,samsung, Foldable Smartphone, Smartphone, சாம்சங், மடிக்கக்கூடிய ஸ்மார்ட்போன், ஸ்மார்ட்போன்